"لما والدة مشيرة رفضت خطوبتها للفنان علي الحجار لجأوا لـ جورج سيدهم عشان يحل الأزمة"
النهاردة 26 سبتمبر عيد ميلاد الفنانة "مشيرة إسماعيل".. أكيد هيكون مر عليك عمل من أعمال "مشيرة" اللى قدرت خلال مشوارها اللى مستمر لحد دلوقتي إنها تقدم أدوار متنوعة بالمعني الحرفي للكلمة..
"مشيرة" بدأت حياتها مع الفن كعضوة فى فرقة الفنون الشعبية وسافرت معاهم لأكتر من 100 دولة حوالين العالم.. من الحفلات دي حفلها فى الكرملين فى روسيا، وحفلها فى إفتتاح المؤتمر الآسيوي الأفريقي اللى عقده الإمبراطور "هايلا سلاسي" فى الحبشة.. بدايتها فى السينما كانت فى فيلم "البوسطجي" سنة 1968..
كمان شاركت فى مسلسلات "أبنائي الأعزاء شكراً"، "دموع فى عيون وقحة"، "الفرسان"، " الكبير أوي"، وغيرهم.. ومحدش يقدر ينسي دورها المسرحي المهم فى مسرحية "الواد سيد الشغال" مع الزعيم "عادل إمام"..
كمان الحاجة اللى مش كتير يعرفوها إن "مشيرة" كانت هي اللى عاملة دور "سحر" فى مسرحية (العيال كبرت) وقعدت تعمل الدور لمدة 6 سنين متواصلة!.. لكن لما تم التصوير التليفزيوني للمسرحية تم الإستعانة بالفنانة "نادية شكري" مكانها بسبب سفر "مشيرة" بره مصر وقتها!..
"مشيرة" إتجوزت الفنان "علي الحجار" بعد قصة كبيرة كانت فيها مصاعب وخلافات كتير أهمها رفض والدتها لـ "علي" كزوج لبنتها.. "علي" طلب وساطة الفنان القدير "جورج سيدهم" عشان يقنع والدتها، وفعلاً قدر "جورج" يقنعها ووافقت!.. من قوة علاقة الحب بين "علي"، و"مشيرة" إتفقوا إنهم لما يخلفوا هيسموا المولود لو ولد "علي"، ولو بنت هيسموها "مشيرة"، وده حصل وجابوا بنتهم "مشيرة" للدنيا.. لكن للأسف إنفصلوا بعد سنتين ونصف بدون ما حد يعرف إيه السبب، وفيه كلام إن سبب عدم جواز "مشيرة" لحد دلوقتي سببه قوة العلاقة اللى كانت رابطاها بـ "علي"..
شاركت "مشيرة" فى فوازير (عمو فؤاد) مع العملاق "فؤاد المهندس"، وكان دورها فى الفوازير بطاقة تعارف بينها وبين الجمهور فى شكل جديد عليها وحققت من خلاله شهرة مهمة فى البيوت المصرين وبين الأطفال.. بس للأسف فى سنة 1987 التليفزيون إستغني عن فوازير (عمو فؤاد) وإستبدلوها بـ فوازير "جدو عبده" بطولة النجم "عبدالمنعم مدبولي".. وقتها طلب المخرج "محمد رجائي" من "مشيرة" إنها تشارك فى بطولة "جدو عبده".. إتحججت "مشيرة" إنها مش هتقدر تشارك بسبب إنشغالها فى أدوار تانية معروضة عليها.. ده اللى هى قالته بس اللى ماقالتهوش "مشيرة" هو إنها رفضت بسبب إرتباطها ووفاءها للفنان "فؤاد المهندس" على مدار خمس سنين أثناء مشاركتها معاه فى فوازيره هو!..
كل سنة والفنانة "مشيرة إسماعيل" طيبة وبخير.
--
النهاردة 26 سبتمبر عيد ميلاد الفنانة "مشيرة إسماعيل".. أكيد هيكون مر عليك عمل من أعمال "مشيرة" اللى قدرت خلال مشوارها اللى مستمر لحد دلوقتي إنها تقدم أدوار متنوعة بالمعني الحرفي للكلمة..
"مشيرة" بدأت حياتها مع الفن كعضوة فى فرقة الفنون الشعبية وسافرت معاهم لأكتر من 100 دولة حوالين العالم.. من الحفلات دي حفلها فى الكرملين فى روسيا، وحفلها فى إفتتاح المؤتمر الآسيوي الأفريقي اللى عقده الإمبراطور "هايلا سلاسي" فى الحبشة.. بدايتها فى السينما كانت فى فيلم "البوسطجي" سنة 1968..
كمان شاركت فى مسلسلات "أبنائي الأعزاء شكراً"، "دموع فى عيون وقحة"، "الفرسان"، " الكبير أوي"، وغيرهم.. ومحدش يقدر ينسي دورها المسرحي المهم فى مسرحية "الواد سيد الشغال" مع الزعيم "عادل إمام"..
كمان الحاجة اللى مش كتير يعرفوها إن "مشيرة" كانت هي اللى عاملة دور "سحر" فى مسرحية (العيال كبرت) وقعدت تعمل الدور لمدة 6 سنين متواصلة!.. لكن لما تم التصوير التليفزيوني للمسرحية تم الإستعانة بالفنانة "نادية شكري" مكانها بسبب سفر "مشيرة" بره مصر وقتها!..
"مشيرة" إتجوزت الفنان "علي الحجار" بعد قصة كبيرة كانت فيها مصاعب وخلافات كتير أهمها رفض والدتها لـ "علي" كزوج لبنتها.. "علي" طلب وساطة الفنان القدير "جورج سيدهم" عشان يقنع والدتها، وفعلاً قدر "جورج" يقنعها ووافقت!.. من قوة علاقة الحب بين "علي"، و"مشيرة" إتفقوا إنهم لما يخلفوا هيسموا المولود لو ولد "علي"، ولو بنت هيسموها "مشيرة"، وده حصل وجابوا بنتهم "مشيرة" للدنيا.. لكن للأسف إنفصلوا بعد سنتين ونصف بدون ما حد يعرف إيه السبب، وفيه كلام إن سبب عدم جواز "مشيرة" لحد دلوقتي سببه قوة العلاقة اللى كانت رابطاها بـ "علي"..
شاركت "مشيرة" فى فوازير (عمو فؤاد) مع العملاق "فؤاد المهندس"، وكان دورها فى الفوازير بطاقة تعارف بينها وبين الجمهور فى شكل جديد عليها وحققت من خلاله شهرة مهمة فى البيوت المصرين وبين الأطفال.. بس للأسف فى سنة 1987 التليفزيون إستغني عن فوازير (عمو فؤاد) وإستبدلوها بـ فوازير "جدو عبده" بطولة النجم "عبدالمنعم مدبولي".. وقتها طلب المخرج "محمد رجائي" من "مشيرة" إنها تشارك فى بطولة "جدو عبده".. إتحججت "مشيرة" إنها مش هتقدر تشارك بسبب إنشغالها فى أدوار تانية معروضة عليها.. ده اللى هى قالته بس اللى ماقالتهوش "مشيرة" هو إنها رفضت بسبب إرتباطها ووفاءها للفنان "فؤاد المهندس" على مدار خمس سنين أثناء مشاركتها معاه فى فوازيره هو!..
كل سنة والفنانة "مشيرة إسماعيل" طيبة وبخير.
--
ليست هناك تعليقات:
إرسال تعليق